Paradite u zhvillua një seancë stërvitore në fushën me bar natyral të ‘Tropikal Resort’, ku stafi teknik dha këshillat e fundit taktike në prag të ndeshjes.

GJËNDJA E EKIPIT – “Shehi, Dita dhe James, nuk do të jenë në dispozicion të stafit teknik. Kapiteni dhe mesfushori Bruno Dita vijojnë rikuperimet ndërkohë që James duhet të pushojë 7-10 ditë pas tërheqjes muskulore të pësuar ndaj Kamzës. Pjesa tjetër e grupit është shfaqur në gjëndje optimale në prag të sfidës”.

Në mbrëmje, ekipi grumbullohet në Vlorë ku është programuar dhe një analizë e fundit nga trajneri Daja.

———————

FOTOGALERI

——————————————

Kupa e Shqipërisë / Gjysëmfinale

Flamurtari – Skënderbeu

18 prill, e mërkurë / Ora 18:30

Stadiumi ‘Flamurtari’.

The post Ekipi mbyll përgatitjet anti-Flamurtari appeared first on KF Skënderbeu.

• Daja, dy humbje në dy takime. Si e keni parë situatën pas këtyre dy humbjeve që keni lënë pas?

– Janë dy humbje radhazi aq sa kishim bërë gjatë gjithë kampionatit. Dy humbje në kompeticione të ndryshme dhe kjo është disi më ndryshe. Por, janë dy humbje që kanë ardhur menjëherë pas vendimit të UEFA-s që shkaktoi jo pak probleme tek të gjithë ne, duke mos na lënë të ishim më të qetë si në fillim.

• Si e keni parë ekipin gjatë përgatitjeve në Tropikal?

– Të them të drejtën gjatë këtyre seancave që kemi zhvilluar në qytetin e Durrësit, ekipi ka qënë i përqëndruar më shumë dhe është dukur më i lirshëm. Por të shohim se si kjo qetësi psikologjike do të transmetohet edhe në fushën e lojës.

• Sa e vështirë është kjo ndeshje në Vlorë përballë Flamurtarit ditën e hënë?

– Është ndeshja e parë e fazës së katërt të kampionatit dhe duhet të them se kërkojmë që ta nisim mirë këtë fazë. Do të jetë një ndeshje delikate pasi Flamurtari vjen nga një ecuri jo fort e mirë në ndeshjet e fundit dhe do të kërkojë që të bëjë maksimumin në shtëpinë e vet për ta marrë rezultat pozitiv. Më shumë sesa kjo, mund të them se dy humbjet e para që vijnë si rezultat i ngarkesës psikologjike dhe kjo do të jetë një tjetër problem në këtë ndeshje, do të duhet për ne që ta kalojmë.

• Në këtë takim vetëm fitorja ju bën punë?

– Normalisht të thuash që një ekip si Skënderbeu kërkon rezultat tjetër është një diçka që nuk shkon. Unë e them me bindje se Skënderbeu shkon kudo dhe kërkon të marë maksimumin qoftë kjo një ndeshje në shtëpi apo në transfertë. Duhet të rikthehemi tek fitorja dhe do të mundohemi ta bëjmë realitet diçka të tillë duke filluar nga kjo ndeshje.

• Keni frikë se mund të rihapet kampionati pasi fitorja e Kukësit e çoi diferencën në +9?

– Le të flasim pa “dorashka”. Jemi në vendin e parë dhe kemi një diferencë të mirë me ndjekësit. Në tre faza jemi përballur me secilin prej tyre nga tre herë dhe kemi dominuar duke marrë 2 fitore e 1 barazim me cilindo nga ndjekësit. Të thuash që kampionati u rihap, nuk besoj se është gjetja e duhur. Vetëm Skënderbeu mund të humbasë këtë kampionat pasi gjithçka e ka në dorë e vet.

The post Daja: Të rikthehemi tek fitorja appeared first on KF Skënderbeu.

Nën drejtimin e trajnerit Daja dhe stafit teknik, ekipi fillimisht zhvilloi një video analizë të humbjes në Shkodër dhe më pas lojtarët i janë drejtuar fushës ku u zhvillua një seancë stërvitore.

Ekipi u stërvit sot në grupe, ku lojtarët të cilët e nisën si titullarë zhvilluan një seancë rikuperuese nën drejtimin e trajnerit Daja dhe stafit mjekësor ndërsa pjesa tjetër e lojtarëve zhvilloi një seancë të plotë nën drejtimin e Zv. Trajnerit Ard Mema dhe Gentjan Liçi.

GJËNDJA E EKIPIT – “Të gjithë lojtarët do të jenë në dispozicion të stafit me përjashtim të kapitenit Shehi i cili do të nisë nesër vrapimet në fushë ndërsa Sabjen Lilaj do të nisë fazën e rehabilitimit pas dëmtimit të tendinës. 

Përgatitjet për takimin ndaj Flamurtarit do të fillojnë nesër, vetëm 2 ditë kohë në dispozicion të stafit për të përgatitur gjysëmfinalen e parë.

———————————————

Kupa e Shqipërisë / Gjysëmfinale

Skënderbeu – Flamurtari

4 prill, e mërkurë | ora 17:00

Stadiumi ‘Skënderbeu’

The post “Përgatitjet anti-Flamurtari në Korçë” appeared first on KF Skënderbeu.

Flamurtari do të jetë ‘pengesa’ e radhës për Skënderbeun drejt objektivit madhor për të fituar për herë të parë në historinë e klubit, trofeun e 2-të për nga rëndësia.

Shorti ka përcaktuar Skënderbeun si ekip pritës në takimin e parë i cili do të luhet në datë 5 prill ndërkohë që takimi i kthimit do të luhet në Vlorë më datë 18 prill.

5 prill 2018 / Stadiumi ‘Skënderbeu’

Skënderbeu – Flamurtari

18 prill 2018 / Stadiumi ‘Flamurtari’

Flamurtari – Skënderbeu

Laçi-Kukësi është dueli tjetër gjysëmfinal!

The post Përcaktohen gjysëmfinalet, ujqërit ndaj Flamurtarit appeared first on KF Skënderbeu.

Nën drejtimin e trajnerit Daja dhe stafit teknik ekipi zhvilloi sot paradite tek anekset e stadiumit ‘Skënderbeu’ seancën e fundit stërvitore në prag të ndeshjes ku tekniku bardhekuq ka dhënë këshillat e fundit taktike dhe zhvilloi një mini test brënda grupit.

GRUPI – “I gjithë kontigjenti i lojtarëve do të jetë në dispozicion të stafit teknik për ndeshjen ndaj Flamurtarit me përjashtim të Bakary Nimaga i cili u largua sot me lejen e klubit për arsye familjare”.

Ekipi do të grumbullohet sot pasdite ku nga trajneri Daja ka programuar dhe një video analizë.

——————————

Kategoria Superiore

Skënderbeu – Flamurtari

9 shkurt / Ora 18:00

Stadiumi ‘Skënderbeu’

The post “Ekipi mbyll përgatitjet anti-Flamurtari” appeared first on KF Skënderbeu.