Lojtarët i janë kthyer sot përgatitjeve në kuadër të sfidës ndaj kukësit, takim i cili do të zhvillohet ditën e dielë, ora 19:00 në stadiumin ‘Skënderbeu’.

Ekipi zhvilloi sot paradite një seancë stërvitore në rezidencën ‘Tropikal resort’ nën drejtimin e trajnerit Daja dhe më pas të gjithë kanë udhëtuar drejt Korçës ku do të vijojnë përgatitjet për super sfidën e së dielës.

GJËNDJA E EKIPIT – “Pas disa javësh mungesë për shkak dëmtimi, ndaj Kukësit pritet që në portë të rikthehet kapiteni Orges Shehi. Me grupin sot është stërvitur edhe James Adeniyi i cili është riaftësuar plotësisht pas tërheqjes të pësuar në kofshë. Ali Sowe mbetet sërish në dyshim. Lojtari ka zhvilluar sot një kontroll të detajuar mjekësor dhe rezultoi se sulmuesi ka një përmirësim të ndjeshëm por nuk është ende gati të stërvitet me grupin. Pjesa tjetër e grupit është shfaqur në gjëndje optimale”.

Përgatitjet anti-Kukësi do të vijojnë nesër pasdite në Korçë.

Super sfida e së dielës do të jetë e 4-rta sezonale mes dy ekipeve. Ujqërit kanë fituar 2 nga 3 takimet e zhvilluara deri më tani dhe kanë barazuar 2-2 në fazën e 3-të duke ruajtur bilancin pozitiv me të gjitha ekipet ndjekëse.

14 pikë është diferenca me skuadrën verilindore dhe një fitore e mundshme do të shpallte skuadrën bardhekuqe matematikisht kampione pas 31 javësh kampionat.

————————————————

Kategoria Superiore / Java 31

29 prill, e dielë / Ora 19:00

Stadiumi ‘Skënderbeu’

The post Përgatitjet ‘anti-Kukësi’ në Korçë appeared first on KF Skënderbeu.

Trajneri Daja dhe stafi teknik ka dhënë sot këshillat e fundit lojtarëve në prag të ndeshjes, gjatë seancës stërvitore të zhvilluar paradite në Durrës.

GRUPI – “Trajneri Daja duhet të bejë në këtë takim sërish pa Sabjen Lilaj ndërkohë që në dyshim mbetet Tefik Osmani pēr shkak të një kontraktimi fizik të pësuar ndaj Partizanit. E sigurtë është edhe mungesa e Marko radas i cili fuan pezullimin 1 javor për shkak se ka plotësuar numrin e kartonave. Stafi mjekësor ka riaftësuar plotësisht Vangjelin, Micin, Vilën dhe Muzakën për këtë takim”

Gjatë orëve të mbrëmjes ekipi do të akomodohet në Kukës në prag të ndeshjes.

—————————

Superliga / Java 22

Kukësi – Skënderbeu

28 shkurt / Ora 14:00

Stadiumi ’Zeqir Ymeri’

The post “Ekipi mbyll përgatitjet anti-Kukësi” appeared first on KF Skënderbeu.

Në prononcimin e tij të zakonshëm, trajneri Ilir Daja u shpreh se pavarësisht mungesave ekipi do të shkojë në Kukës jo vetëm për fitore por edhe për të dhuruar lojë të bukur.

GJËNDJA E EKIPIT – “Kemi një gjëndje pak a shumë si ndaj Partizanit. Vila, Muzaka, Vangjeli dhe Muzaka kanë qënë prezent në seancat stërvitore. Mungon Radas i cili përbën problem pasi në atë sektor mungon Jashanica i dëmtuar dhe Osmani i cili mbetet në ‘pikëpyetje’ për tu aktivizuar. Gjithsesi këto nuk janë justifikime dhe mendoj se gjithë pjesa tjetër që kemi në dispozicion do të japin maksimumin për të vijuar ecurinë pozitive të rezultateve”.

OBJEKTVI – “Ne në çdo ndeshje shkojmë për fitore me këdo ekip luajmë si në shtëpi por edhe në transfertë. Ne nuk dijmë një mënyrë tjetër të luajturi. Pritshmëria e tifozëve përveç fitores është dhe loja e bukur kështuqë jemi të imponuar që në çdo fushë të shkojmë për fitore”.

DIFERENCA – “Diferenca e pikëve na jep qetësi psikologjike. Ne duhet të vazhdojmë ecurinë që kemi, nuk mendojmë për të vrarë kampionatin por mendojmë të rrisim diferencën e pikëve dhe cilësinë e lojës”.

The post Daja: Shkojmë për 3 pikë dhe lojë të bukur appeared first on KF Skënderbeu.

Ka përfunduar ndeshja më e rëndësishme e javës së 13-të në Korçë. Në një ndeshje spektakolare, por dhe me tension në minutat e fundit, Skënderbeu ka arritur që të marrë një 3-pikësh që vlen shumë, pasi “betonon” kreun dhe çon Kukësin plot 9 pikë larg. Skënderbeun e nderojnë golat e Afrim Takut dhe nigerianit Xhejms, ndërsa Guri barazoi përkohësisht për kampionët në fuqi.

Pritej me interesim të madh dhe rezultoi një festë futbolli sfida e Korçës, sepse u ndeshën dy skuadrat më të mira në Shqipëri dhe luajtën futboll, ballëhapur, duke luftuar deri në fund.

Skënderbeu kishte avantazhin e fushës, por Kukësi luajti një ndeshje shumë të mirë dhe në pjesën e parë pati raste të shkëlqyera. Gjithsesi, Skënderbeu pati gjithashtu shumë raste dhe gjeti golin në minutën e 36-të me Takun.

Festa korçare u ndal në fund të pjesës së parë, kur mbrojtja gaboi totalisht dhe la të vetëm Grupin në zonë, i cili nuk fali me kokë.

Në pjesën e dytë shumë nervozizëm, një karton i kuq për Vangjelin në minutën e 71-të, por edhe goli i Xhejms Adenijit dy minuta më parë. Gol vendimtar, sepse Orges Shehi ishte fenomenal dhe ndali Gurin në një rast tek për tek.

Humbje e rëndë për Kukësin, që sheh shumë larg kreun. Nuk ishte vendimtare, thanë trajnerët, por tani duket ndryshe.

Kategoria Superiore – Java 13

Skënderbeu 2-1 Kukësi

Shënues: Taku 36? Xhejms 69’/ Guri 43′

Skënderbeu: Shehi, Vangjeli, Radas, Aliti, Mici, Nimaga, Lilaj, Muzaka, Taku, Xhejms (Aliti 90+3?), Gavazaj (Demte 85?). (Të gatshëm: Teqja, Kelmendi, Shkodra, Osmani, Sahiti.) Trajner: Ilir Daja.

Kukësi: Koliçi, Idrizi (Koldashi 79?), Hoxha, Shameti, Rrumbullak, Musolli, Imami (Joti 84?), Ethemi (Shtubina 63?), Kale, Bakaj, Guri. (Të gatshëm: Frashëri, Hallaçi, Peposhi, Memini.)Trajner: Mlladen Milinkoviç.

Gjyqtarë: J. Xhaja, R.Avdo, N. Bregasi, A. Shkreta.

The post Spektakël në Korçë, Ujqërit thellojnë diferencën me ndjekësit appeared first on KF Skënderbeu.

“E kemi merituar fitoren, sepse kemi patur shumë situata para portës së kundërshtarit. Jemi ndëshkuar në një goditje standarde. Kemi luajtur mirë në pjesën e dytë dhe kemi gabuar në një moment. Pas daljes së Vangjelit e qarkulluam mirë topin dhe merituam fitoren. Loja e sotme është garanci për të ardhmen, por duhet të jemi me këmbë në tokë.”

Përsa i përket mungesës së Sowe, Daja theksoi se një skuadër si Skënderbeu ka lojtarë të tjerë për fazën sulmuese që mund të bëjnë shumë mirë.

“Të gjithë lojtarët që ishin sot në fushë bënë më të mirën dhe e minimizuan mungesën e Sowe. Nuk është vetëm James, kemi edhe lojtarë të tjerë që mund të përshtaten në sulm”

The post Daja: E merituam fitoren appeared first on KF Skënderbeu.

Ekipi ka zhvilluar seancën e fundit stërvitore tek anekset e stadiumit ‘Skënderbeu’. Nën drejtimin e stafit teknik, ekipi zhvilloi paradite një seancë në prag të ndeshjes ku tekniku bardhekuq, Ilir Daja ka dhënë dhe instruksionet e fundit të besuarve të tij.

GJËNDJA E EKIPIT – “Jashanica është rikuperuar plotësisht nga dëmtimi në shpatull. Mbrojtësi u aktivizua titullar ndaj Besëlidhjes në kupë dhe nuk shfaqi asnjë shqetësim. Mungon Nespor dhe Dita ndërkohë që titullar do rikthehet Vangjeli. Asnjë shqetësim për pjesën tjetër të lojtarëve të cilët pavarësisht mbingarkesës fizike janë të gatshëm për trajnerin Daja”.

Ekipi është i grumbulluar në vigjilie të sfidës. Trajneri Daja si gjithmon ka zhvilluar në orët e mbrëmjes një seancë teorike me Video ku bashkë me lojtarët ka studiuar kundërshtarin e radhës.

Takimi ndaj Kukësit do të zhvillohet nesër, ora 17:00 në stadiumin ‘Skënderbeu’.

The post Ekipi mbyll përgatitjet për Kukësin appeared first on KF Skënderbeu.

Fitorja e vetmja alternativë për rritur diferencën e pikëve me ndjekësit. Ftojmë tifozët të mbështesin maksimalisht ekipin. Bashkë më të fortë.

Çmimet e biletave për këtë ndeshje do të jenë si më poshtë:

Tribuna D – 200 Lekë të reja

Tribuna C – 300 Lekë të reja

Tribuna A dhe B – 400 Lekë të reja

Tifozët miq – 300 Lekë

Gold A dhe B – 1000 Lekë të reja

Biletat mund ti gjeni nga dita e sotme në pika e shitjes përballë me kinemanë e qytetit dhe në pikën e shitjes pranë stadiumit.

The post Skënderbeu – Kukësi, biletat në shitje appeared first on KF Skënderbeu.