Një ndeshje shumë e rëndësishme, që vjen pas një pauze njëjavore…

Është një ndeshje që ka gjithçka brenda, kënaqësinë, emocionin dhe gjithçka që prodhon një përballje mes dy rivalëve që i kanë dhënë shumë futbollit shqiptar në vitet e fundit. Sa u përket problemeve në kampin e kuq, unë them se të gjithë skuadrat kanë probleme, por besoj se do të jetë shumë e vështirë si ndeshje.

Mendoni se është më mirë që po përballeni me një Partizan në një moment jo optimal?

Do të më vinte mirë që skuadra ime të jetë 100% nesër. Të tregojë në fushë të njëjtën ego dhe dëshirë si në ndeshjet ndaj Teutës dhe Kukësit.

Si është situata në skuadër, krahasuar me ndeshjen ndaj Luftëtarit?

Atje kishim 3 mungesa, si Radas, që ishte në Kroaci, Sibo i dëmtuar dhe Abazaj i pezulluar. Pas ndeshjes me Luftëtarin, kanë shfaqur shqetësime edhe Muzaka, Vangjeli dhe Dita, por që kanë arritur të rikuperohen, ashtu si edhe Sibo. I vetmi shqetësim është Taipi, që vijon të jetë jashtë grupit, ndërsa për pjesën tjetër mund të them se jemi në rregull.

A do të luajë Radas nesër?

Është pjesë e skuadrës, por formacionin do ta bëj nesër dhe sot nuk mund të them asgjë.

Deri ku mund të shkojë Skënderbeu?

Unë mendoj se ne po dhamë 100%, mund të shkojmë shumë larg. Në situata të ndryshme, nuk kemi qenë në maksimum, por po bëmë më të mirën, mund të përsëritim rezultatet e fazës së parë.

A është Kupa një trofe që ju tërheq?

Nuk mund të them të kundërtën, pasi jemi fituesit në fuqi dhe do të luftojmë për ta mbrojtur.

Jemi në muajin Prill, ku veshët janë në Zvicër, nga KAS-i…

Është një çështje që na ka zgjatur pak si shumë. Jemi munduar që skuadrën ta mbajmë larg kësaj situate, pasi është një çështje që i përket studios tonë ligjore dhe njerëzve të tjerë në klub. Besoj se do të arrijmë të marrim pafajësinë dhe të vijojmë rrugën që kemi nisur para disa viteve.

The post Shehi: Jemi gati për Partizanin appeared first on KF Skënderbeu.

Kapiteni bardhekuq ka bërë thirrje lojtarëve për përqëndrim dhe ka vlerësuar Lushnjën pavarësisht se ndodhet në skajin e kundërt të klasifikimit.

NDESHJA – “Ndeshje ku përballen dy ekipe në skaje në kundërta. Kemi krijuar distancë të konsiderueshme me vëndin e dytë. Është një ndeshje të cilën e nisim në ‘dishezë’ por që mund të bëhet e vështirë nqs mungon përqëndrimi dhe mund ta pësosh duke ditur që edhe Lushnja ka kualitete në fazën sulmuese.

TITULLI – “Kampionati gjithmonë shijon shumë por ndoshta diferenca e pikëve ka ulur pak emocionet. Ne kemi bërë mjaft mirë dhe kemi pasur synim ta mbyllim sa më shpejtë kampionatin dhe jemi në rrugën e duhur”.

I pyetur nëse diferenca u krijua për meritë të Skënderbeut apo gabimet e rivalëve, Shehi u shpreh: “Unë do të thoja që kjo diferencë pikësh është frut i një sezoni të mrekullueshëm që kemi bërë duke bashkangjitur dhe europën, një sezon që vështirë të përsëritet nga skuadra të tjera”.

The post “Shehi: Duhet përqëndrim” appeared first on KF Skënderbeu.

Portjeri bardhekuq u shpreh se Flamurtari i vëndit të dytë është një skuadër e fortë por ekipi do të hyjë në fushë për 3 pikët që mundësojnë një ‘rrugë’ të qetë drejt titullit kampion.

RITMI – “Mendoj se kemi gjetur ritmin e duhur. Në Gjirokastër nuk ishim aty ku duhet por ndeshja në kupë dhe fitorja në shkodër treguan që Skënderbeu është aty ku duhet”

DIFERENCA E PIKËVE – “Kështu është kampionati. Në Gjirokastër u ndalëm ne dhe perfituam të tjerët. Në Shkodër bëmë atë që duhet të bënim dhe kur sheh që rivalët janë ndalur sigurisht të vjen mirë”.

FLAMURTARI – ”Luajmë përballë vendit të dytë. Flamurtari është një skuadër e fortë por sigurisht ne do të bëjmë maksimumin tonë për të marrë 3 pikët dhe për të vazhduar rrugën tonë të qetë. Ne jemi Skënderbeu dhe hyjmë në çdo ndeshje për të fituar”

TITULLI KAMPION – ”Kur javët kalojnë dhe sheh që duferenca e pikëve mbetet je i qetë drejt titullit kampion por sigurisht kampionati është i gjatë dhe duhet të jemi të përqëndruar që të evitojmë të papriturat”.

The post Shehi: Hyjmë në çdo ndeshje për të fituar appeared first on KF Skënderbeu.

“Vijmë pas një paraqitje jo të mirë, që tregoi se nuk ishim aty ku duhet. Futbolli i tillë është se të jep mundësi të rikuperosh. Duhet të reagojmë dhe të tregojmë se kemi nxjerrë mësime nga e kaluara. Kupa ka specifikë që luhet në dy takime dhe nëse nuk je në lartësinë e duhur eliminohesh. E gjithë skuadra ka qenë në unison, që nuk ishim aty ku duhet. Këto ditë na kanë shërbyer për ti vënë gishtin kokës. Duhet harruar ajo humbje në Gjirokastër dhe duhen nxjerrë mësime”.

Kupa nuk është vetëm një mënyrë për tu rikthyer, por edhe një trofe të cilin portieri 40-vjeçar kërkon ta fitojë në atë që është sezoni i tij i fundit si profesionit.

“Gjatë gjithë periudhës te Skënderbeu, që ky është viti i tetë, kemi fituar gjashtë herë titullin dhe asnjëherë Kupën. Vjet ishim shumë afër, por nuk e fituam. Është një trofe që e kam fituar dy herë dhe dëshiroj ta fitoj edhe me Skënderbeun dhe shpresoj që ky të jetë viti i duhur”

Sfidat me Teutën mbeten gjithmonë të veçanta për Shehin, që tregon emocionet sa herë përballet me ekipin ku është rritur dhe vlerëson forcën e bregdetarëve.

“Ndaj Teutës është një ndeshje e veçantë, sepse luaj ndaj ekipit të qytetit tim. Luaj në stadiumin ku jam rritur dhe jam formuar, është një emocion i veçantë dhe ndihme shumë mirë sa herë luaj në atë stadium. Teuta është një ekip shumë i mirë dhe nuk i meriton pozitat ku ndodhet”.

The post Shehi: Do reagojmë, kupa objektiv appeared first on KF Skënderbeu.

– Shehi, po mbyllim vitin 2017, a mund ta quajmë më të suksesshmin për ju si lojtar?

– Sigurisht që po. Jam i të njëjtit mendim, sepse sidomos pjesa e dytë e këtij viti, ka qenë një ndër më të bukurat. Më e lodhshmja, por më ka dhënë një sadisfaksion vërtet të jashtëzakonshëm. Madje, nga të gjitha anët. Nuk kam fjalë si ta përshkruaj këtë vit që po lëmë pas, pasi ishte plot me suksese.

– Edhe 6 muaj deri në fund të karrierës suaj sportive, pasi keni thënë se do t’i hiqni dorezat në fund të sezonit, apo jo?

– Personalisht, nuk dua që të përqendrohem tek e ardhmja ime, sepse më i rëndësishëm është Skënderbeu. Nuk di se çfarë të them. Ka kohë deri në fund të sezonit, por besoj se është i fundit. Në fund të sezonit të kaluar ishte presidenti Takaj, i cili më kërkoi të vazhdoja dhe ja plotësova dëshirën, ndërsa pas majit do të jetë mendoj fundi i karrierës sime sportive.

– Ju ka mbetur ndonjë “peng” nga kjo karrierë e gjatë sportive, sepse me Skënderbeun i keni fituar thuajse të gjitha?

– Gjatë karrierës sime sportive kam fituar gjithçka, arritjet i kam të shumta, që nga trofetë e deri te pjesëmarrjet në Europë. Nuk kam asnjë peng. Përveç atyre sukseseve të jashtëzakonshme në fushë, “qershia mbi tortë” ishte titulli “Dr.Honoris Causa”. Më mirë se kaq nuk kishte si të shkonte.

– Skënderbeun pretendon grupet e Championsit. Mos doni të jepni edhe ju një dorë para lamtumirës?

– Skënderbeun nuk e kam lënë asnjëherë në “baltë”, sepse të tilla janë marrëdhëniet me drejtuesit e këtij klubi, në mënyrë të veçantë me presidentin Ardjan Takaj. Një nga arsyet që nuk e lashë futbollin përpara 6 muajsh, ishte presidenti. Sa për Championsin, kjo skuadër është ndërtuar për të qenë pjesëmarrëse në evente madhore. Këtë sezon kemi treguar se jemi atje ku duhet dhe kështu do të vazhdojmë deri në fund.

– Do ta shijojë Shehi edhe këtë gjysmë sezoni te Skënderbeu?

– Jam i idesë që kur të jem në maksimumin tim, do ta lë futbollin. Ka një shprehje që thotë: Futbollin ta lësh kur të jesh në majë dhe jo kur të të lërë futbolli. Do ta shijoj pa diskutim shumë, do të punoj me të njëjtin preokupim, ashtu siç kam punuar edhe në hapat e parë, me shumë dëshirë. Nuk ka asnjë ditë pushim për Shehin deri në fund, edhe pse jam në këtë moshë.

– Në ndeshjen e fundit i keni bërë një dhuratë simbolike Radasit, të cilit i dhatë shiritin e kapitenit. Pse e bëtë atë veprim?

– Duke pasur shumë vite te Skënderbeu mbi supe, mendova se Marko Radas duhet të mbante shiritin e kapitenit. Doja t’i tregoja se çfarë vlerësimi ka nga unë dhe nga klubi. Edhe Marko ka shumë vite në këtë skuadër dhe për marrëdhëniet e shkëlqyera që kam pasur me të, më shtynë për të bërë vatë gjë. Skënderbeu është një familje e madhe. Nuk e di, nëse Marko ka mbetur i kënaqur me këtë veprim, por ashtu e mendova dhe ashtu bëra.

– Po ndërrimi që bëtë në minutat e fundit me portierin Aldo Teqja, ishte një tjetër “dhuratë”?

– Nëse unë si Orges Shehi do t’i besoj një portieri të ri dhe të talentuar, ai është Aldo Teqja. Më ngjan shumë kur isha në hapat e para të karrierës sime sportive, ndaj dhe vendosa të kryeja atë ndërrim. Isha vetë që e kërkova në momentet e fundit të ndeshjes që Teqja të më zëvendësonte. Këto ishin dy dhuratat e mia në këtë fundvit.

– Së fundi një urimi i Orges Shehit në këto ditë të fundit të vitit?

– Urimi shkon për gjithë shqiptarët. Edhe pse ka qenë për ta një vit i lodhshëm, i suksesshëm, ndoshta për disa edhe zhgënjyes, viti i ardhshëm t’i gjejë me sa më shumë begati në familjet e tyre. Dhe, urimin më të madh do ta bëja për familjen e madhe me emrin Skënderbe. Të ketë vetëm suksese vitin e ardhshëm. Gëzuar të gjithëve.

The post Shehi: 2017-a e jashtëzakonshme appeared first on KF Skënderbeu.

Në momentin kur ekipi do të dilte në fushë, Shehi nxjerr shiritin dhe ja dorëzon ‘Korçarit’ Marko Radas në formë urimi për festat e fundvitit. Plot 6 vite e gjysëm në Korçë për Markon përligjin plotësisht veprimin unikal të kapitenit Shehi.

“Ishtë një dhuratë simbolikë me rastin e festave, Marko e meriton”, – u shpreh Shehi shkurtimisht për webin zyrtar të klubit pas ndeshjes.

The post Kapiteni Shehi surprizon Radasin appeared first on KF Skënderbeu.

“Më vjen keq për rezultatin, sepse luajtëm mirë, si të barabartë, duke treguar se nuk jemi inferiorë ndaj askujt.

“Kemi luajtur dy kampionate: në Shqipëri dhe në Europë, një numër shumë i madh ndeshjesh. Jemi paraqitur shumë mirë, kemi luajtur futboll europian, kemi dhuruar ndeshje të mira brenda e jashtë Shqipërie”

E ardhmja ime? “Nuk ka rëndësi ajo, duhet të mendojmë për të ardhmen e skuadrës, jo personalen. Dalim nga një kompeticion shumë i rëndësishëm, eveniment shumë i madh për ne që luajmë në Shqipëri. Është edicioni i dytë që marrim pjesë në grupe dhe këtë radhë kemi dalë me kokën lart, është një vit që do të lërë shenjë”

Arbitri? “Nuk e kam zakon të flas për arbitrat. Me sa më thanë çunat, pati disa momente të dyshimta në zonën e Jang Bojs, por nuk është në karakterin tim të merrem me gjykimet”

Nervozizmi i skuadrës? “Ndoshta mund ta menaxhonim ndeshjen pak më mirë, por kështu është futbolli, në fund ndëshkohesh. Më kujtohet pak ndeshja me Dinamon e Zagrebit, kur në fund kaluam pak në panik dhe e pësuam në shtesë”.

The post Shehi: Duhej pak më shumë kujdes appeared first on KF Skënderbeu.