“Duhej të djersinim shumë për të fituar, kishim përballë kampionët. Është evidente që ekipeve pretendente i kemi marrë po aq pikë sa na kanë marrë. Në ndeshjet e tjera duhet të jemi më të motivuar. Mund ta kishim mbyllur më përpara ndeshjen. Fitorja ndaj kampionëve ka një tjetër moral. Deri te kartoni i kuq loja ishte e barabartë, kishim raste të barabarta. Dalja e një lojtari ndikon në futbollin shqiptar. Në pjesën e dytë duhet ta kishim shfrytëzuar akoma më mirë superioritetin numerik. Gjërat mbyllen kur merr 3 pikët.”

Rastet e diskutueshme: Pollozhani ka humbur ekuilibrin nga shtyrja e sulmuesit të Partizanit. Mbrojtësit e bëjnë këtë veprim, nuk kanë kohë të mendojnë gjatë. Mendoj që është faull në favorin tonë, ka shtyrje të Solomonit, ky është mendimi im. Nëse shikohet moviola, ka një rast në favor të Skënderbeut dhe 15 kundër Skënderbeut. Nuk jam dakord me protestën e Ditës. Pavarësisht se është një sjellje jo e duhur e kapitenit, nuk është se e kishte vetëm nga ndeshja e sotme.

Ndërrimet e vona: Në stol të gjithë ishin të rinj, me pak minutazh. Lojën e kishim në avantazh dhe nuk po na rrezikonte kundërshtari, nuk doja dhe unë të rrezikoja dhe doja t’iu merrja maksimumin lojtarëve në fushë.

Skënderbe i fortë me të fortët: E kemi diskutuar edhe me grupin, deri te vendi i 6-të kemi 50 % të pikëve të marra. Kemi pasur probleme me Vllazninë.

Festa: Kur kam hyrë te dhomat e zhveshjes kam ulur euforinë, u kam thënë gëzoni, por për 3 ditë keni ndeshjen e radhës me Flamurtarin.

The post Daja: Fitore që na jep moral appeared first on KF Skënderbeu.

Një ndeshje shumë e rëndësishme, që vjen pas një pauze njëjavore…

Është një ndeshje që ka gjithçka brenda, kënaqësinë, emocionin dhe gjithçka që prodhon një përballje mes dy rivalëve që i kanë dhënë shumë futbollit shqiptar në vitet e fundit. Sa u përket problemeve në kampin e kuq, unë them se të gjithë skuadrat kanë probleme, por besoj se do të jetë shumë e vështirë si ndeshje.

Mendoni se është më mirë që po përballeni me një Partizan në një moment jo optimal?

Do të më vinte mirë që skuadra ime të jetë 100% nesër. Të tregojë në fushë të njëjtën ego dhe dëshirë si në ndeshjet ndaj Teutës dhe Kukësit.

Si është situata në skuadër, krahasuar me ndeshjen ndaj Luftëtarit?

Atje kishim 3 mungesa, si Radas, që ishte në Kroaci, Sibo i dëmtuar dhe Abazaj i pezulluar. Pas ndeshjes me Luftëtarin, kanë shfaqur shqetësime edhe Muzaka, Vangjeli dhe Dita, por që kanë arritur të rikuperohen, ashtu si edhe Sibo. I vetmi shqetësim është Taipi, që vijon të jetë jashtë grupit, ndërsa për pjesën tjetër mund të them se jemi në rregull.

A do të luajë Radas nesër?

Është pjesë e skuadrës, por formacionin do ta bëj nesër dhe sot nuk mund të them asgjë.

Deri ku mund të shkojë Skënderbeu?

Unë mendoj se ne po dhamë 100%, mund të shkojmë shumë larg. Në situata të ndryshme, nuk kemi qenë në maksimum, por po bëmë më të mirën, mund të përsëritim rezultatet e fazës së parë.

A është Kupa një trofe që ju tërheq?

Nuk mund të them të kundërtën, pasi jemi fituesit në fuqi dhe do të luftojmë për ta mbrojtur.

Jemi në muajin Prill, ku veshët janë në Zvicër, nga KAS-i…

Është një çështje që na ka zgjatur pak si shumë. Jemi munduar që skuadrën ta mbajmë larg kësaj situate, pasi është një çështje që i përket studios tonë ligjore dhe njerëzve të tjerë në klub. Besoj se do të arrijmë të marrim pafajësinë dhe të vijojmë rrugën që kemi nisur para disa viteve.

The post Shehi: Jemi gati për Partizanin appeared first on KF Skënderbeu.

Në mungesë të trajnerit Daja, ekipi ka zbritur sot në fushë pasdite nën drejtimin e zv. trajnerit Ardi Mema ku u zhvillua një seancë stërvitore tek anekset e stadiumit ‘Skënderbeu’.

Ekipi u nda sot në 2 grupe, pjesa e futbollistëve që luajtën titullarë ndaj Vllaznisë zhvilluan një seancë rikuperuese nën kujdesin e stafit mjekēsor, ndërsa pjesa tjetër zhvilloi programin e plotë stërvitor.

GRUPI – “Grupi i plotë në gjëndje optimale në dispozicion të stafit teknik. Mungesa e vetme për takimin e radhës do të jetë Jashanica ndërkohë nga pezullimi rikthehet Kristi Vangjeli i cili mungoi ndaj Kamzës për shkak kartonash. Përgatitjet për ndeshjen e radhës ndaj Partizanit do të nisin nesër nën drejtimin e trajnerit Ilir Daja”

—————————

Superliga / Java 21

Skënderbeu – Partizani

Të premte, 23 shkurt / Ora 18:00

Stadiumi ‘Skënderbeu’

The post “Përgatitjet anti-Partizani” appeared first on KF Skënderbeu.

Skënderbeu e sheh veten sërish të qetë në krye, ndërsa Partizani nuk ngjall dot shpresën e titullit, por tashmë duhet t’i bëjë hyzmetin Kupave të Europës. Për Skënderbeun një pikë është mirë, duke pasur parasysh rivalin.

E hënë, më 27 nëntor, ora 17:00
Stadiumi “Selman Stërmasi”

Partizani 0–0 Skënderbeu

Partizani: Hoxha, Ibrahimi, Atanda, Malota, Kalari, Batha, Vila, Asani (Kotobelli 72′), Trashi, Progni, Bardhi (Sukaj 82′). Trajner: Klevis Dalipi.

Skënderbeu: Shehi, Taku, Radas, Aliti, Mici (Jashanica 70′), Osmani (Nimaga 60′), Lilaj, Muzaka (Dita 90+2′), Gavazaj, Xhejms, Soue. Trajner: Ilir Daja.

Gjyqtarë: Eldorjan Hamiti; Ridiger Çokaj, Egin Doda, Paulin Simoni
Delegat: Besnik Çela.

Vëzhgues: Sokol Jareci.

Kartonë të verdhë: Trashi 58’/ Osmani 50′

The post Skënderbeu mjaftohet me 1 pikë ndaj Partizanit appeared first on KF Skënderbeu.

“Skënderbeu nuk hyn për barazim në lojë, por edhe barazimi me Partizanin është i mirë, na pëlqen fakti që pas minutës së 60 e mbajmë kundërshtarin nën presion” 

LODHJA – “E nisëm pak keq, pasi e ndjenim lodhjen por me kalimin e minutave e kapëm ritmin. Jemi të lodhur pak nga ndeshja me Dinamon. Mungesa e Vangjelit ndikoi pak për dhënien e impulsit. Rezultati më i drejtë ishte barazimi, jemi mirë.Që nga dillimi i kampionatit kemi patur një ngjeshje të ndeshjeve, pasi kemi luajtur çdo 2-3 ditë. Nga ana tjetër është pozitive, pasi ekipi ka një ritëm tjetër”.

KALENDARI – “Pasnesër ndeshemi për kupë, me Besëlidhjen, si klub kemi vendosur që të fusim lojtarët që kanë pak minutazh. Për t’i dhënë kohë pjesës tjetër, pasi ndeshja me Kukësin është shumë vendimtare, fitorja do të ishte dhe një bonus psikologjik”.

The post Daja: Barazimi, rezultati më i drejtë appeared first on KF Skënderbeu.

Për teknikun bardhekuq, tashmë nuk është risi, Skënderbeu shkon në çdo ndeshje me objektivin e vetëm, fitoren.

Daja, sot kundër partizanit, sa i vështirë ky takim?

Është normalisht një ndeshje e vështirë pasi përballë një ekipi si Partizani gjithmonë duhet të jesh i përqëndruar. Të kuqtë e kanë nisur sezonin si favoritë dhe besoj se do të bëjnë të pamundurën për t’u rikthyer sërish kështu. Ne duhet të jemi të përqëndruar dhe të japim maksimumin tonë në këtë ndeshje nga minuta e parë deri në minutën e fundit për të mos i dhënë mundësi kundërshtarit të na verë në vështirësi dhe të na gjejë në befasi.

Si vjen ekipi në këtë ndeshje?

Për fat të keq humbëm edhe Vangjelin i cili ka një problem ngarkese në kofshë dhe mund të them se jemi me dy mungesa të sigurta në këtë takim. Pra Vangjelit i shtohet edhe nespor i cili ndodhet jashtë ekipit për shkak dëmtimi. Kjo është pak a shumë situata e Skënderbeut në këtë takim. pjesa tjetër e ekipit është e plotë.

Kukësi fitoi të shtunën. Kjo do të thotë se presioni është mbi ju tani?

Nuk e shoh punë presioni për vetë faktin se ne kemi ndeshjen tonë për të luajtur dhe mendojmë vetëm për këtë. Kukësi bëri punën e vet dhe ne nga krahu tjetër do të bëjmë punën tonë për të qënë gjithnjë pararojë e rezultateve tona. Me një diferencë prej shtatë pikësh që nuk janë shumë por janë të mjaftueshme për të qënë më të qetë në llogjikën e ngjarjeve nuk besoj se problem do të jetë presioni i ndjekësve.

Skënderbeu nuk fiton prej vitesh në Tiranë. Do të ndikojë tek lojtarët?

Statistikat janë statistika dhe nuk besoj se do të kenë një ndikim tek lojtarët për vetë faktin se ne shohim atë që prodhohet në fushën e lojës dhe jo jashtë saj. Skënderbeu mori një fitore 2-0 në fazën e parë dhe duke dominuar me lojë gjithë takimin. Jam i bindur se ekipi do të riniset që nga ky takim dhe jo nga statistikat e largëta.

Shkoni vetëm për fitore në Tiranë apo iu kënaq dhe barazimi?

Skënderbeu kudo ku shkon objektiv ka fitoren dhe kjo nuk është risi. Besoj se presidenti Takaj dhe drejtuesit e tjerë e kanë ndërtuar këtë ekip për të qënë kudo protagonist dhe për të marrë gjithnjë maksimumin. Prandaj e them që fitorja do të ishte rezultati që kërkojmë ne. Më pas se çfarë do të sjellë fusha është tjetër gjë.

The post Daja: Skënderbeu ka objektiv vetëm fitoren appeared first on KF Skënderbeu.

Ekipi ka zhvilluar seancën e fundit stërvitore në ‘Tropikal Resort’, atje ku qëndron u grumbulluar prej 3 ditësh. Nën drejtimin e stafit teknik, ekipi zhvilloi pasdite një seancë në prag të ndeshjes ku tekniku bardhekuq, Ilir Daja ka dhënë dhe instruksionet e fundit të besuarve të tij.

GJËNDJA E EKIPIT – “Jashanica është rikuperuar plotësisht dhe gjasat janë që ndaj Partizanit ta nisë titullar. Përveç mungesës së Nespor në dyshim mbetet dhe Vangjeli i cili pësoi një lëndim në kofshë ndaj dynamo Kiev dhe prej dy ditësh stërvitet veçmas. Stafi teknik dhe ai mjeksësor do të vendosë nesër nëse mbrojtësi Korçar do ta nisë takimin si titullar”

Takimi ndaj Partizanit do të zhvillohet nesër, ora 17:00 në stadiumin ‘Selman Stermasi’ në Tiranë.

The post Ekipi mbyll përgatitjet për Partizanin appeared first on KF Skënderbeu.