– Shehi, po mbyllim vitin 2017, a mund ta quajmë më të suksesshmin për ju si lojtar?

– Sigurisht që po. Jam i të njëjtit mendim, sepse sidomos pjesa e dytë e këtij viti, ka qenë një ndër më të bukurat. Më e lodhshmja, por më ka dhënë një sadisfaksion vërtet të jashtëzakonshëm. Madje, nga të gjitha anët. Nuk kam fjalë si ta përshkruaj këtë vit që po lëmë pas, pasi ishte plot me suksese.

– Edhe 6 muaj deri në fund të karrierës suaj sportive, pasi keni thënë se do t’i hiqni dorezat në fund të sezonit, apo jo?

– Personalisht, nuk dua që të përqendrohem tek e ardhmja ime, sepse më i rëndësishëm është Skënderbeu. Nuk di se çfarë të them. Ka kohë deri në fund të sezonit, por besoj se është i fundit. Në fund të sezonit të kaluar ishte presidenti Takaj, i cili më kërkoi të vazhdoja dhe ja plotësova dëshirën, ndërsa pas majit do të jetë mendoj fundi i karrierës sime sportive.

– Ju ka mbetur ndonjë “peng” nga kjo karrierë e gjatë sportive, sepse me Skënderbeun i keni fituar thuajse të gjitha?

– Gjatë karrierës sime sportive kam fituar gjithçka, arritjet i kam të shumta, që nga trofetë e deri te pjesëmarrjet në Europë. Nuk kam asnjë peng. Përveç atyre sukseseve të jashtëzakonshme në fushë, “qershia mbi tortë” ishte titulli “Dr.Honoris Causa”. Më mirë se kaq nuk kishte si të shkonte.

– Skënderbeun pretendon grupet e Championsit. Mos doni të jepni edhe ju një dorë para lamtumirës?

– Skënderbeun nuk e kam lënë asnjëherë në “baltë”, sepse të tilla janë marrëdhëniet me drejtuesit e këtij klubi, në mënyrë të veçantë me presidentin Ardjan Takaj. Një nga arsyet që nuk e lashë futbollin përpara 6 muajsh, ishte presidenti. Sa për Championsin, kjo skuadër është ndërtuar për të qenë pjesëmarrëse në evente madhore. Këtë sezon kemi treguar se jemi atje ku duhet dhe kështu do të vazhdojmë deri në fund.

– Do ta shijojë Shehi edhe këtë gjysmë sezoni te Skënderbeu?

– Jam i idesë që kur të jem në maksimumin tim, do ta lë futbollin. Ka një shprehje që thotë: Futbollin ta lësh kur të jesh në majë dhe jo kur të të lërë futbolli. Do ta shijoj pa diskutim shumë, do të punoj me të njëjtin preokupim, ashtu siç kam punuar edhe në hapat e parë, me shumë dëshirë. Nuk ka asnjë ditë pushim për Shehin deri në fund, edhe pse jam në këtë moshë.

– Në ndeshjen e fundit i keni bërë një dhuratë simbolike Radasit, të cilit i dhatë shiritin e kapitenit. Pse e bëtë atë veprim?

– Duke pasur shumë vite te Skënderbeu mbi supe, mendova se Marko Radas duhet të mbante shiritin e kapitenit. Doja t’i tregoja se çfarë vlerësimi ka nga unë dhe nga klubi. Edhe Marko ka shumë vite në këtë skuadër dhe për marrëdhëniet e shkëlqyera që kam pasur me të, më shtynë për të bërë vatë gjë. Skënderbeu është një familje e madhe. Nuk e di, nëse Marko ka mbetur i kënaqur me këtë veprim, por ashtu e mendova dhe ashtu bëra.

– Po ndërrimi që bëtë në minutat e fundit me portierin Aldo Teqja, ishte një tjetër “dhuratë”?

– Nëse unë si Orges Shehi do t’i besoj një portieri të ri dhe të talentuar, ai është Aldo Teqja. Më ngjan shumë kur isha në hapat e para të karrierës sime sportive, ndaj dhe vendosa të kryeja atë ndërrim. Isha vetë që e kërkova në momentet e fundit të ndeshjes që Teqja të më zëvendësonte. Këto ishin dy dhuratat e mia në këtë fundvit.

– Së fundi një urimi i Orges Shehit në këto ditë të fundit të vitit?

– Urimi shkon për gjithë shqiptarët. Edhe pse ka qenë për ta një vit i lodhshëm, i suksesshëm, ndoshta për disa edhe zhgënjyes, viti i ardhshëm t’i gjejë me sa më shumë begati në familjet e tyre. Dhe, urimin më të madh do ta bëja për familjen e madhe me emrin Skënderbe. Të ketë vetëm suksese vitin e ardhshëm. Gëzuar të gjithëve.

The post Shehi: 2017-a e jashtëzakonshme appeared first on KF Skënderbeu.

“Nesër, takimi i fundit dhe shpresojmë të shkojmë te fitorja për të uruar në menyrën më të mirë tifozët për festat e fundvitit. Përballë kemi Teutën që nuk është në pozicion të mirë përsa i përket klasifikimit por shfaqet mirë në fushë dhe duhet ’djersitur’ për ta mbyllur siç edhe e kemi nisur kampionatin”

TITULLI – “Titulli nuk është ende i mbyllur. Kemi avantazh prej 9 pikësh që na jep qetësi për të punuar por nqs duam të rritemi edhe më shumë duhet që në vazhdimësi të hyjmë me motivim maksimal”

TEUTA – “Nën drejtimin tim rezultatet me Teutën flasin në favorin tonë. Statistikat gjithsesi nuk tregojnë asgjë dhe duhet të luftojmë fort për të fituar”.

MERKATO – “Do të ndjekin në dinamikë merkaton me mbarim e sezonit. Nuk flas dot paraprakisht por një ekip si Skënderbeu duhet të perforcohet edhe më pas të mendojmë për shitje. Kam biseduar me presidentin. Ne si staf nuk kemi pushime pasi do të ndjekim disa lojtarë që mund të bëjnë diferencën dhe që kanë cilësi për ta çuar ekipin një hap më përpara”

The post Daja: Ta mbyllim vitin me 3 pikë appeared first on KF Skënderbeu.

Fitorja me Lushnjën dhe diferenca prej 9 pikësh me vendin e dytë e bëjnë Skënderbeun ta presë me shumë qetësi ndeshjen e fundit të vitit me Teutën. Korçarët janë kampionë dimri dhe tashmë askush nuk dyshon se titulli kampion do të kthehet në juglindje. Enis Gavazaj, një nga titullarët e Skënderbeut, në një intervistë për “Sport Ekspres” thekson se skuadra do të rritet më shumë në 2018-ën. Ai shprehet se do ta mbyllë me fanellën e Skënderbeun edhe këtë sezon, në fund të të cilit do të festojë titullin kampion. Më pas dëshiron të luajë në një kampionat të huaj.

– Gavazaj, Skënderbeu kampion dimri. A mund të themi se gjysma e punës është bërë?

– Ne kemi dhënë maksimumin për këtë pjesë të parë të sezonit, duke sakrifikuar shumë dhe duke arritur gjithçka kemi dashur në lidhje me objektivat. Kemi kryer një punë të madhe deri tani, por mbetet edhe diçka më shumë se gjysma për t’u luajtur vitin tjetër, për të qenë më mirë se tani. Jam i bindur se do të jemi më mirë, pasi luftojmë vetëm në dy fronte, në Kupë dhe kampionat. Kjo do të thotë se koha për rikuperim është më e mjaftueshme.

– Diferenca prej 9 pikësh me ndjekësit më të afërt, sipas jush, është e pranueshme për 15 javë?

– Të them të drejtën, janë shumë, sepse i takon të kemi katër ndeshje diferencë me rivalin më të afërt. Për një ekip si Skënderbeu kjo diferencë është normale dhe besoj se do të thellohet javët e ardhshme.

– E mbyllni me Teutën vitin 2017. Si e prisni ndeshjen e së premtes?

– Si ndaj çdo ekipi tjetër, mendojmë vetëm për të marrë fitoren. Një gjë të tillë e kemi synuar edhe në Europë, në çdo ndeshje që kemi luajtur. Të njëjtën gjë do të bëjmë edhe në këtë takim. E respektojmë Teutën dhe them se do të bëjmë maksimumin për të dalë me 3 pikë nga kjo ndeshje për ta mbyllur si duhet vitin 2017.

– Nëse bëjmë një përmbledhje të ndeshjeve të deritanishme, ju si mendoni, është Skënderbeu më mirë apo janë rivalët më dobët?

– Ekipi ynë ka dy-tre lojtarë cilësorë në çdo pozicion. Kjo do të thotë se nuk do shumë mend për të kuptuar se Skënderbeu është shumë më lart se kundërshtarët e tij këtë sezon. Kampionati po bëhet shumë i fortë, por po e përballojmë me qetësi, duke mbajtur një tjetër hap.

– Sa pozitiv ka qenë viti 2017 për Skënderbeun?

– Besoj se në pjesën më të madhe ka qenë një vit shumë pozitiv. Kemi vetëm dy kujtime të këqija në mendje: ndeshjen e kampionatit në Kukës dhe ndeshjen në Beograd kundër Partizanit. Ishte ndeshja që ndryshoi për keq sezonin në Europë, pasi me një barazim do të flisnim ndryshe.

– Po për Enis Gavazajn?

– Për mua personalisht ka qenë një vit i suksesshëm, përveç dëmtimit që pësova me Jang Bojsin. Tani ka kaluar plotësisht dhe jam mirë. Ndjehem mirë, kur e ndihmoj ekipin tim në fushë me aq sa mundem. Dua të jap maksimumin dhe për të marrë maksimumin.

– 6 muaj pa Latifin në ekip. Si ndihesh pa shokun më të mirë?

– Latifi ka lënë hapësirë në fushë, por edhe jashtë fushe për mua. Ka qenë miku më i ngushtë këtu. Jam takuar edhe tani afër me të dhe vazhdimisht më pyet për Skënderbeun. Besoj se do të ketë një karrierë të ndritur përpara.

– Po për zërat e merkatos, çfarë do të thoni?

– Besoj se do të jem lojtar i Skënderbeut të paktën edhe 6 muaj të tjera.

– Ju shqetësojnë zërat që vijnë nga jashtë?

– Mundohem t’i mënjanoj të gjitha. Jam i përqendruar vetëm te Skënderbeu. Ofertat ndikojnë pozitivisht dhe mendoj se të motivojnë që në çdo ndeshje të japësh më të mirën në fushë. Si çdo lojtar, dua të riprovohem jashtë Shqipërisë dhe them se përmes Skënderbeut do ta bëj realitet këtë dëshirë.

– Doni të thoni se në verë do të largoheni nga Skënderbeu?

– Është në të mirën time, por edhe në të mirën e klubit, nëse vjen ndonjë ofertë e mirë. Megjithatë, do të mundohem të jap maksimumin dhe të rritem në vijim.

– Ndonjë pistë konkrete?

– Më shumë ia kam lënë menaxherit në dorë të merret me çështjen e merkatos. Jam i përqendruar te Skënderbeu dhe kampionati.

– Skënderbeu pa Europën, do të jetë më i fortë?

– Sigurisht, për këtë jam i bindur, pasi nuk do të jetë më ajo ngarkesë. Do të jemi 100% të freskët dhe të përqendruar për të dhënë më të mirën tonë. Do të mundohemi të shmangim gabimet dhe ta thellojmë diferencën në renditje.

– Titulli?

– I padiskutueshëm. Këtë vit është 100% pronë e jona.

– Loja po shkon mirë, por duket se golat janë të paktë…

– E di, kjo është ajo që duhet të përmirësoj. Dua të rritem dhe të eci për lart. Jam i bindur se golat do të vijnë. Në vitin 2018 do të shikoni një Gavazaj më të mirë.

The post Gavazaj: Ta mbyllim vitin me fitore appeared first on KF Skënderbeu.

“Në çdo fushë futemi për fitore. Çdo fitore i jep qetësi ekipit. Ditën e martë që do bëjmë analizën, secili lojtar do shikojë performancën me video. Në fushë hidhen të gjithë lojtarët që japin maksimumin. Nuk e kishim menduar fitore të lehtë, sikurse e tregoi loja. Duhet të përshtateshim me terrenin dhe duhet ta zgjidhnim që pjesën e parë, qoftë edhe më gjuajtje nga jashtë zone. Nuk e vendosëm në diskutim fitoren, por më shqetëson fakti që pësojmë nga goditjet standarde”.

LOJA – “Mendoj që mund të ndërhyhet në momentin që ekipi ka çbalancime, pavarësisht se nuk u përshtatën me terrenin. Nuk mundet që një ekip si Korça, që ka si element qarkullimin e topit, ta ndryshojë mënyrën e lojës me një ditë. Nuk luajmë me top të gjatë, por mund të tentonim me goditjet nga distanca”.

MANOVRA SSULMUESE – “Çdo lojtar, pavarësisht pozicionit, duhet të marrë pjesë në dy fazat e lojës. Kur kundërshtari nuk të shqetëson, veç pasit të gjatë, pak rëndësi ka pozicioni ku luan. Soue kishte probleme fizike, pasi ka pak që është rikthyer. Theksi i lojës tonë, përveç rezultatit, është edhe spektakli”

MERKATO – “Çdo ekip ka nevojë për merkato. Nuk do doja në numër, kemi nevojë në sulm, sepse duhet të kemi disa alternativa. Soue ishte shumë i ngarkuar dhe kur u dëmtua kishim probleme. Do mendojmë për sulmin dhe më pas do zbresim më poshtë, duke analizuar ku duhet të përforcohemi për të vijuar me rezultatet e mira”

The post Daja: Çdo fitore i jep qetësi ekipit appeared first on KF Skënderbeu.

“Kemi bërë një pjesë të parë shumë të mirë dhe me shumë raste, por kam rezerva për lojtarët e sulmit, që nuk finalizuan dhe nuk shërbyen mjaftueshëm për njëri-tjetrin. Mungesa e golit na ndëshkoi, sepse dihej që në pjesë ne dytë do të vuanim disi lodhjen e takimit të Zvicrës dhe kjo bëri që të mos kishim fuqinë e duhur për të kthyer rezultatin. Gjithsesi nuk duhet ta bëjmë dramë, sepse humbja e parë do të vinte herët a vonë, ndërsa tani duhet të shikojmë përpara dhe të rikthehemi menjëherë te fitoret”, tha Daja.

Trajneri i korçarëve ka rezerva edhe për paraqitjen e James, nga i cili theksoi se priste shumë, por u shpreh se skuadra u penalizua edhe nga mungesat e rëndësishme, që i limitonin zgjedhjet.

“Nimaga nuk ishte në maksimumin e tij dhe mendova të tërhiqja disi Jamesin, që vepron më mirë në zona të vogla, por kam shumë rezerva për lojën e këtij të fundit, pasi prisnim shumë sepse nuk udhëtoi në Zvicër dhe ishte i freskët. Vuajtëm edhe mungesat e futbollistëve si Osmani, Radas apo Dita, që mund të na jepnin shumë, nëse do t’i kishim të gatshëm”, u shpreh tekniku korçar.

The post Daja: Ndikoi lodhja, rikthehemi te fitoret appeared first on KF Skënderbeu.

“Është një ndeshje e rëndësishme dhe do të shkojmë atje për ta mbyllur me nder ecurinë europiane të Skënderbeut. Jemi përqëndruar tek ky takim dhe po mendojmë vetëm për të. Të fitojmë për të rritur koenfiçentin e ekipit në Europë”

Mici u shpreh se fitorja nuk është tabu duke pasur parasysh performancën e ekipit këtë sezon ndaj 3 rivalëve në grupet e Europa League.

“Ndaj 3 ekipeve në grup kemi zhvilluar ndeshje shumë të mira dhe jemi përfaqësuar dënjësisht. Mund të marrim 3 pikë në Zvicër dhe diçka e tille nuk është tabu për Skënderbeun”

Për Gledi Micin, kampuonati është ende një rrugë e gjatë ndaj ka bërë thirrje për përqëndrim në vazhdim.

“Deri tani kemi bërë një punë mjaft të mirë por duhet të jemi të përqëndruar në vazhdim. Nuk është luajtur ende gjysma e kampionatit. Sigurisht pas ndeshjeve europiane do të kemi më shumë kohë dhe frymëmarrje”.

The post Mici: Në Zvicër e mbyllim me nder appeared first on KF Skënderbeu.

Kishit besim te fitorja para ndeshjes, ashtu doli.

Besimi nuk është se vjen rastësisht, kemi punuar shumë për të arritur këtu. Rritja ka qenë graduale, kemi shkuar shumë larg dhe nuk kemi asnjë pishman për eliminimin.

Pishman për Jang Bojs në Elbasan?

Po, po të fitonim atë ndeshje do të ndryshonin shumë gjëra, sepse ishim shumë panë suksesit. Gjithsesi, grumbulluam 5 pikë, kemi luajtur shumë mirë, kemi duke u rritur nga viti në vit. Këto janë arritjet e Skënderbeut, klubi rritet, të ardhurat rriten, mentaliteti ndryshon, renditja dhe koeficienti në re nditjen e UEFA-s ndryshon.

Cili spikati sot?

Grupi, nuk veçoj askënd. Jam i kënaqur shumë për fitoren, nuk kam askënd të preferuar.

Daja, strategu i duhur?

Nuk diskutohet, ai është njeriu i duhur në bazë të rezultateve, jo të opinionit tim. Ai ka meritë të madhe, kemi ecur shkëlqyeshëm, ndaj nuk ka nevojë për komente. Kemi pikë, jemi të tretët në grup, por mbi të gjitha loja është e shkëlqyer. Kemi luajtur me rivalë me emër të madh, me traditë e eksperiencë, jemi përballur pa frikë e si të barabartë, këtu ka meritë të madhe edhe Daja.

Kur do të vijë dita që të luhen ndeshje të tilla në Korçë?

Skënderbeu është një projekt i gjatë, që do të vazhdojë gjatë. Tashmë është kthyer në domosdoshmëri të pasurit një stadium modern dhe janë pjekur të gjitha kushtet. Po të luhej në Korçë, edhe ajo që ndodhi me Partizanin e Beogradit nuk do të ndodhte. Ekziston një projekt nga qeveria, shpresojmë që së shpejti Korça dhe gjithë Shqipëria të gëzojnë për një stadium të ri, sepse sukseset e Skënderbeut janë të gjithë Shqipërisë.

Transferimet, kush e ka radhën nga skuadra aktuale?

Edhe këtë vit do të shesim, kur të vijë momenti i duhur, sepse nuk kanë pasur as fat disa lojtarë, pasi kanë pasur dëmtime. Megjithatë, lojtarët e Skënderbeut do të shiten me çmimin e duhur, jo me shifra qesharake.

A do të blini, me kaq shumë para që keni fituar?

Paratë nuk janë gjithçka në futboll, por ne po i përshtatemi rregullores së UEFA-s dhe po përfitojmë goxha. Gjithsesi, 100 mijë euro nga fitorja e sotme që nesër shkojnë në llogaritë e lojtarëve dhe stafit.

The post Takaj: Spikati grupi, Daja i duhuri appeared first on KF Skënderbeu.

“Do të thosha që jemi shumë të kënaqur për shumë arsye. Treguam karakter duke fituar me përmbysje. Kemi mbyllur ndeshje shtëpiake pa pësuar asnjë humbje. Kemi treguar gjatë gjithë kohës që nuk kemi qenë inferiorë ndaj askujt, pavarësisht nga emrat që kishim përballë, të gjithë me traditë në Europë. Ishim të barabartë dhe kjo është fantastike për Skënderbeun dhe gjithë futbollin shqiptar, sepse në vazhdimësi mund të përmirësohemi edhe më tej.

Partizani i Beogradit fitoi – “Na erdhi keq, e morëm vesh kur mbaroi ndeshja dhe ishim tensionuar nga minutat shtesë, ku po vuanim. Gjithsesi, treguam që tashmë jemi në klubet e rëndësishëm të Europës, kemi grumbulluar shumë pikë, kemi humbur vetëm 2 ndeshje dhe kemi luajtur si ekip elite.

Ku gaboi Skënderbeu, që nuk shkoi dot te kualifikimi? “Nuk do flisja për gabime, duke parë atë që kemi dhënë. Do thosha që në Beograd luajtëm mirë dhe dhamë shumë. Nuk meritonim të fitonim, por luajtëm mirë dhe mund të merrnim barazimin. Në ndeshjet e tjera, qoftë me Jang Bojs, qoftë me Partizanin në Elbasan, kemi pasur edhe fatin kundër, sepse kemi humbur edhe lojtarë të dëmtuar që në fillim të ndeshjes. Nëse nuk do kishin qenë këto situata, do kishim marrë fitore në Elbasan.

Xhejms në krah – “Ka sakrifikuar shumë, i shërben shumë ekipit me ekuilibrat në fazën sulmuese dhe atë mbrojtëse. Po të kishim një lojtar tjetër në krah, do ishte më e lehtë. Ndoshta gabon në vendosje ndonjëherë, por ai i shërben shumë ekipit, si filtër përpara, duke ndihmuar shumë sulmin dhe mbrojtjen. Kur një lojtar sakrifikon shumë për mbrojtjen, ndonjë gabim është i pranueshëm.

Lilaj, kthim me peshë – “Është lojtar shumë i rëndësishëm, i vetmi nga kampionati shqiptar që luajti titullar me kombëtaren në Turqi. Ka sakrifikuar shumë, sepse vjen nga një dëmtim dhe mund të rrezikonte. Tani do të nisim punën për ndeshjen e së hënës kundër Partizanit, ndeshje shumë e rëndësishme. Duke të kujtoj për kolegët e mi që ne po luajmë çdo 3-4 ditë dhe nëse një ndeshje na shtyhet një ditë, nuk është fundi i botës.

Ndeshja me Jang Bojs, më shumë për promovim? “Deri tani luajtëm për kualifikim, nuk kemi menduar për promovim. Nuk kemi shumë lojtarë për promovim, sepse nëse mendon ashtu, jo gjithnjë funksionon, sepse nëse nuk ecën mirë skuadra, nuk shkëlqen askush. Ne do të mendojmë për ndeshjen e radhës për kampionat, më pas të shohim për të tjerat”.

The post Daja: Kemi karakter dhe mentalitet fituesi appeared first on KF Skënderbeu.