• Daja, dy humbje në dy takime. Si e keni parë situatën pas këtyre dy humbjeve që keni lënë pas?

– Janë dy humbje radhazi aq sa kishim bërë gjatë gjithë kampionatit. Dy humbje në kompeticione të ndryshme dhe kjo është disi më ndryshe. Por, janë dy humbje që kanë ardhur menjëherë pas vendimit të UEFA-s që shkaktoi jo pak probleme tek të gjithë ne, duke mos na lënë të ishim më të qetë si në fillim.

• Si e keni parë ekipin gjatë përgatitjeve në Tropikal?

– Të them të drejtën gjatë këtyre seancave që kemi zhvilluar në qytetin e Durrësit, ekipi ka qënë i përqëndruar më shumë dhe është dukur më i lirshëm. Por të shohim se si kjo qetësi psikologjike do të transmetohet edhe në fushën e lojës.

• Sa e vështirë është kjo ndeshje në Vlorë përballë Flamurtarit ditën e hënë?

– Është ndeshja e parë e fazës së katërt të kampionatit dhe duhet të them se kërkojmë që ta nisim mirë këtë fazë. Do të jetë një ndeshje delikate pasi Flamurtari vjen nga një ecuri jo fort e mirë në ndeshjet e fundit dhe do të kërkojë që të bëjë maksimumin në shtëpinë e vet për ta marrë rezultat pozitiv. Më shumë sesa kjo, mund të them se dy humbjet e para që vijnë si rezultat i ngarkesës psikologjike dhe kjo do të jetë një tjetër problem në këtë ndeshje, do të duhet për ne që ta kalojmë.

• Në këtë takim vetëm fitorja ju bën punë?

– Normalisht të thuash që një ekip si Skënderbeu kërkon rezultat tjetër është një diçka që nuk shkon. Unë e them me bindje se Skënderbeu shkon kudo dhe kërkon të marë maksimumin qoftë kjo një ndeshje në shtëpi apo në transfertë. Duhet të rikthehemi tek fitorja dhe do të mundohemi ta bëjmë realitet diçka të tillë duke filluar nga kjo ndeshje.

• Keni frikë se mund të rihapet kampionati pasi fitorja e Kukësit e çoi diferencën në +9?

– Le të flasim pa “dorashka”. Jemi në vendin e parë dhe kemi një diferencë të mirë me ndjekësit. Në tre faza jemi përballur me secilin prej tyre nga tre herë dhe kemi dominuar duke marrë 2 fitore e 1 barazim me cilindo nga ndjekësit. Të thuash që kampionati u rihap, nuk besoj se është gjetja e duhur. Vetëm Skënderbeu mund të humbasë këtë kampionat pasi gjithçka e ka në dorë e vet.

The post Daja: Të rikthehemi tek fitorja appeared first on KF Skënderbeu.

Tekniku bardhekuq ka përmëndur faktin që ekipi ka marrë një rezultat pozitiv në ndeshjen e parë por ekipi duhet të përmirësohet pasi në kupe gjithçka mbyllet pas 180’ minutave.

”Kemi bërë një hap të mirë me fitoren 2-0 në ndeshjen e parë por specifika e kupës është 180’ minuta do respektojmë dhe 90’ minutat e fundit për të vazhduar më tej. Seanca e sotme do të na shërbejë për të vendosur nëse do të bëjmë rotacion apo do vazhdojmë t’iu japim minutazh atyre që janë një hap para të tjerëve për të përmirësuar ritmin”, U shpreh tekniku bardhekuq, Ilir Daja.

The post Daja: Respektojmë dhe 90’ minutat e fundit appeared first on KF Skënderbeu.

Ka qënë mesfushori Korçar Tefik Osmani, ai që ka dalë para kamerave duke folur për ecurinë e ekipit dhe pritshmëritë për takim e së premtes.

ECURIA – “Me eksperiencën që kemi nuk na falej një tjetër hap fals si në kupë dhe kampionat. Pas ndeshjes në Gjirokastër kaloi presionk pak mbi ne por i rëndësishëm është fakti që u kthyem atje ku e lamë në dhjetor dhe krijuam sërish diferencë pikësh”

RIVALËT – “Jemi të qetë. Kemi një ndeshje të vështirë pasi presim Flamurtarin e vëndit të dytë por të gjithë e dinë që ne futemi në fushë vetëm për të fituar. Çdo ndeshje është e vështirë nqs nuk futemi në fushë 100% të motivuar”

ASISTI NË SHKODËR – Të them të drejtën ndjehem mirë që po flasin shumë për pasimin por thjesht pashë Kristin të futej dhe e tentova. Do ndjehesha më mirë nqs do flisnin në përgjithësi për lojën time përpara mbrojtjes”.

ZËRAT PËR LARGIM – “Jo vetëm emri i Osmanit por të gjithë lojtarëve të Skënderbeut në kohë merkatoje iu përmëndet emri. Jemi mësuar. Unë nuk largohem kurrë më dëshirën time nga Skënderbeu. Dëshira e drejtuesve është e njëjtë ndaj nuk mendoj se largimi do të ndodhë”.

The post Osmani: Jemi të qetë dhe të motivuar appeared first on KF Skënderbeu.

Mesfushori bardhekuq ka dhënë opinionin e tij para gazetarëve të pranishëm në Antalya në lidhje me rikthimin me ekipin kombëtar, trajnerin Panuçi si dhe ecurinë pozitive me ekipin e Skënderbeut.

KOMBËTARJA – “Jam i kënaqur që jam grumbulluar sërish me Kombëtaren pas kaq shumë kohësh, është kënaqësi të rikthehesh dhe të veshësh fanelën kuqezi. Jam përgatitur mirë dhe shpresoj që nesër të rikthehem dhe të luaj disa minuta në këtë takim. Në çdo ndeshje duhet të zbresësh në fushë për të marrë një rezultat të mirë. Do zbresim në fushë të japim maksimimuni, më të mirën tonë, pse jo të marrim dhe një fitore”.

ROLI – “Sigurisht, roli im në skuadër është para mbrojtjes, aty ndihem mirë, pasi jam në të njëjtin rol që luaj dhe te Skënderbeu”.

TRAJNERI – “Nuk e kisha takuar më parë trajnerin, këtu është hera e parë, por nuk është e rëndësishme kjo gjë, për mua e rëndësishme është që të luash, të japësh maksimumin dhe ai të mbetet i kënaqur”.

Lilaj ka folur shkurtimisht dhe për ecurinë e Skënderbeut në kampionat, ku është shprehur shprehur: “Këtë sezon e kemi nisur mirë, kemi marrë pikët maksimale, nuk besoj se ka ndonjë ekip që mban të njëjtin ritëm përgjatë gjithë  sezonit. Besoj se dhe ne do kemi vështirësi, por shpresoj të ndodhin sa më vonë”.

The post Lilaj: Krenari të veshësh fanellën kuqezi appeared first on KF Skënderbeu.