Është mesfushori ynë energjik, Sabien Lilaj futbollisti më i mirë në vendin tonë për vitin 2017. Paraqitjet e tij pozitive në ndeshjet e pjesës së parë të sezonit por edhe kontributi i madh që lojtari dha në kualifikimin e skuadrës në fazën e grupeve të Europa League, bënë që Lilaj të merrte edhe një ftesë nga trajneri i Kombëtares, Christian Panucci për miqësoren me Turqinë.

Kjo është hera e dytë që Lilaj fiton trofeun e lojtarit më të mirë të vitit pasi e fitoi këtë çmim edhe në vitin 2015.

Në një prononcim të shkurtër për webin zyrtar të klubit pas marrjes së çmimit Lilaj u shpreh: “Jam mjaft i lumtur për këtë çmim. Sigururisht ky është një çmim individual por nuk mund ta fitoja pa ndihmën e shokëve të ekipit, tifozëve si dhe gjithë pjestarëve të tjerë të klubit që gjej rastin ti falenderoj. Ishtë një vit jashtëzakonisht pozitiv ku arrit të kualifikoheshim në grupet e Europa League dhe ta mbyllnim sezonin me diferencë pikësh dhe shpresoj të vazhdojmë me këtë ritëm edhe në 2018”.

The post Sabjen Lilaj shpallet lojtari i vitit appeared first on KF Skënderbeu.

Ilir Daja: “Duke parë pozicionet e ekipeve nuk kemi pretendime për shkak se çështja e kualifikimit është zgjidhur tashmë. E rëndësishme për ne është të vijojmë me rezultatet pozitive por dëshirojmë të promovojmë dhe disa lojtarë të rinj, të kondicionuar dhe nga mungesat e shumta”

MOTIVIMI – “Edhe pse nuk ka shanse kualifikimi vijmë në këtë ndeshje 100 % të motivuar. Duhet ta mbyllim sezonin europian pozitivisht ashtu siç edhe e kemi filluar. Skënderbeu ka luajtut si i barabartë me të gjithë. Duhet të jemi 100% të motivuar për të mbajtur ritmin e treguar në këtë sezon si në kupat e europës por edhe në kampionat”

KUALIFIKIMI PENG – “Mund të them që takimin në Beograd nuk meritonim ta humbisnim. Por edhe në ndeshjet e luajtura në Shqipëri mund të merrnim më shumë por u kondicionuam nga dëmtimet. Nuk kam çfarë ju kërkoj më shumë lojtarëve, kemi arritur diçka të madhe deri këtu”.

ÇELSI I SUKSESIT – “Çelsi i suksesit është padiskutim bashkëpunimi duke nisur nga presidenti, tek lojtarët dhe stafi administrativ i klubit. Elementi më i fortë është shpirti i skuadrës. Kemi mentalitet fitues”.

Sabjen Lilaj: “Jemi shumë të kënaqur me rendimentin e treguar dhe arritjet në europë. Jemi të motivuar pasi luajmë për të rritur koenfiçentin dhe për premion. Nuk është vetëm Lilaj i rëndësishëm, tek Skënderbeu të gjithë janë të tillë, unë mundohem të jap më të mirën. Ndjehemi të lodhur sigurisht por e kemi menaxhuar në menyrën më të mirë të mundshme”.

The post Daja & Lilaj: Jemi 100% të motivuar appeared first on KF Skënderbeu.

Mesfushori bardhekuq ka dhënë opinionin e tij para gazetarëve të pranishëm në Antalya në lidhje me rikthimin me ekipin kombëtar, trajnerin Panuçi si dhe ecurinë pozitive me ekipin e Skënderbeut.

KOMBËTARJA – “Jam i kënaqur që jam grumbulluar sërish me Kombëtaren pas kaq shumë kohësh, është kënaqësi të rikthehesh dhe të veshësh fanelën kuqezi. Jam përgatitur mirë dhe shpresoj që nesër të rikthehem dhe të luaj disa minuta në këtë takim. Në çdo ndeshje duhet të zbresësh në fushë për të marrë një rezultat të mirë. Do zbresim në fushë të japim maksimimuni, më të mirën tonë, pse jo të marrim dhe një fitore”.

ROLI – “Sigurisht, roli im në skuadër është para mbrojtjes, aty ndihem mirë, pasi jam në të njëjtin rol që luaj dhe te Skënderbeu”.

TRAJNERI – “Nuk e kisha takuar më parë trajnerin, këtu është hera e parë, por nuk është e rëndësishme kjo gjë, për mua e rëndësishme është që të luash, të japësh maksimumin dhe ai të mbetet i kënaqur”.

Lilaj ka folur shkurtimisht dhe për ecurinë e Skënderbeut në kampionat, ku është shprehur shprehur: “Këtë sezon e kemi nisur mirë, kemi marrë pikët maksimale, nuk besoj se ka ndonjë ekip që mban të njëjtin ritëm përgjatë gjithë  sezonit. Besoj se dhe ne do kemi vështirësi, por shpresoj të ndodhin sa më vonë”.

The post Lilaj: Krenari të veshësh fanellën kuqezi appeared first on KF Skënderbeu.