Pavaresisht argumenteve dhe dëshmive të dhëna në seancë gjyqesorë nga ana e lojtarit dhe personave të tjerë të lidhur me çështjen, organi juridik vendosi mospranimin e kërkesës të paraqitur nga Bajram Jashanica për uljen e sanksionit.

Bëjmë me dije se aktualisht, palët janë në pritje për disponimin nga ana e Komisionit të Apelit të UEFA-s të vendimit integral, i cili do të ankimohet në CAS.

KF Skënderbeu i ka ofruar lojtarit të gjithë mbështetjen e mundshme gjatë kësaj periudhe të vështirë për të dhe beson se masa disiplinore është disproporcionale me rrethanat e ngjarjes dhe me shkallën e përgjegjësisë të Bajram Jashanica.

Për këtë arsye, në çdo formë dhe me të gjitha mjetet në dispozicion, do të kërkojmë vendosjen e një mase disiplinore më të ulët, për garantimin e vijueshmerisë së karrierës të lojtarit tonë.

Zyra për Shtyp,

KF Skënderbeu

The post Deklaratë për shtyp mbi çështjen Jashanica appeared first on KF Skënderbeu.

Me triumfin ndaj ekipit ukrainas, klubi korçar ka fituar pikë të rëndësishme për renditjen ndërkombëtare dhe tani sheh veten të bëjë një tjetër hov shumë të madh para, duke mbajtur vendin e 136 në Europë. Ky është një rekord i ri për klubin, i cili kishte nisur sezonin nga vendi i 204 në Europë dhe vetëm falë këtij edicioni të jashtëzakonshëm ka bërë shumë hapa para duke ngushtuar ndjeshëm diferencën me grupin e skuadrave që pjesëmarrjen në fazën në grupe të aktiviteteve kontinentale e kanë kthyer në zakon të përvitshëm.

Koeficienti i Skënderbeut tani është 8.500 dhe për të kuptuar më së miri ngjitjen e ekipit të drejtuar nga Ilir Daja, mjafton të shohësh se lë pas emra si Rosenborg, Crvena Zvezda, Sllavia Pragë, AEK Athinë, Panathinaikos, Hajduk Split, Vitese apo Grasshopers ndër të tjera.

Përveç kësaj, përfitim ka pasur edhe kampionati shqiptar, koeficienti i të cilit tani është 1.700, duke kaluar në renditjen e UEFA-s dy vende të tjera, Hungarinë dhe Islandën.

The post Rekord bardhekuq në klasifikimin e UEFA-s appeared first on KF Skënderbeu.