– Vllaznia është rivali i radhës. Çfarë ekipi prisni në fushë?

– Do të jetë një ndeshje e vështirë për pozitën e ekipit në klasfikim. Ata do të kërkojnë të rikuperojnë pozicionin që kanë. Ne do të shkojmë atje për të respektuar kampionatin dhe do të jemi në fushë me qëllimin që të arrijmë objektivat tonë dhe të mbyllim sa më shpejt çështjen e titullit kampion.

– Si shkon ekipi në këtë takim?

– Përveç mungesës së Shehit dhe Lilajt por edhe Jashanicën që mungon prej kohësh nuk do të kemi mungesa të tjera. Janë dy mungesa të rëndësishme pasi Shehi është kapiteni jonë dhe Lilaj lojtari i kombëtares. Por ne kemi elementët e duhur që të bëjmë zgjidhjen më të mirë. Skënderbeu ka luksin që të ketë në dispozicion lojtarë që janë të gatshëm të luajnë titullarë në një ndeshje. Besoj se do të bëjmë zgjedhjet e duhura për të minimizuar sado pak mungesën e tyre në fushë.

– Skënderbeu do të vazhdojë me të njejtin ritëm?

– Ne kemi punuar maksimalisht që ditën e parë të këtij sezoni dhe do të vazhdojmë deri në fund në rrugën e nisur. Mua si trajner dhe ekipit i del për detyrë që të sigurojmë sa më parë kreun e superligës, atje ku kemi si favor, pasi jemi të shkëputur nga rivalët.

The post Daja: Objektiv, sigurimi i kampionatit appeared first on KF Skënderbeu.

Në mesditë u zhvillua një seancë stërvitore në fushën me bar natyral të ‘Tropikal Resort’, ku stafi teknik dha këshillat e fundit taktike në prag të ndeshjes.

GJËNDJA E EKIPIT – “Shehi dhe Lilaj janë dy mungesat e vetme për stafin teknik. Kapiteni ka nisur fazën e riaftësimit nën mbikqyrjen e fizioterapistit Jorgo Pantazi dhe me shumë mundësi, ditën e hënë do të nisë vrapimet në fushë. Pjesa tjetër e grupit në gjëndje optimale në prag të ndeshjes”. 

Në mbrëmje, ekipi grumbullohet në Shkodër ku është programuar dhe një analizë e fundit nga trajneri Daja.

———————————————

Kategoria Superiore / Java 27

KF Vllaznia – Skënderbeu

31 mars, e shtunë / Ora 14:00

Stadiumi ‘Loro Boriçi’.

The post “Ekipi mbyll përgatitjet anti-Vllaznia” appeared first on KF Skënderbeu.

Ashtu si edhe ishte parashikuar, të besuarit e trajnerit Daja, zhvilluan sot paradite një seancë stërvitore në kuadër të takimit të së shtunës në Shkodër.

Tre lojtarë nuk janë në dispozicion të stafit teknik. Orges Shehi dhe Sabjen Lilaj, janë dy mungesa të konfirmuara për shkak dëmtimesh. Kapiteni bardhekuq pas pushoi disa ditë me rekomandim të stafit mjekësor ka nisur ditën e djeshmë fazën e riaftësimit dhe pritet të kthehet me grupin pas 2 javësh. Ndërkohë Fidan Aliti i grumbulluar me përfaqësuesen e Kosovës do bashkohet nesër me ekipin në stërvitje. 

Pjesa tjetër e grupit po stërvitet normalisht nën urdhrat e trajnerit Ilir Daja i cili ka programuar edhe 2 seanca stërvitore me grupin dhe një video analizë përpara grumbullimit në Shkodër ditën e premte në mbrëmje.

————————————

Kategoria Superiore / Java 27

KF Vllaznia – Skënderbeu

31 mars, e shtunë / Ora 14:00

Stadiumi ‘Loro Boriçi’.

The post “Ekipi vijon përgatitjet në Tropikal” appeared first on KF Skënderbeu.

Ashtu siç ishte programuar lojtarët janë grumbulluar sot në Durrës ku do të vijojnë përgatitjet për takimin e radhës në kampionat ndaj vllaznisë.

Nën drejtimin e trajnerit Daja dhe stafit teknik, ekipi zhvilloi një seancë stërvitore në orët e pasdites në fushën me bar natyral të ‘Tropikal Resort’.

GRUPI – “Përveç Kapitenit Shehi, mungon dhe Sabjen Lilaj i cili la grumbullimin me ekipin kombëtar pas një lëndimi. Pas kontrollove mjekësore rezultoi se Lilaj ka pësuar një ropturë të pjesshme të tendinës së ‘akilit’ dhe do të mungojë 2 deri në 3 javë. Me ekipin pritet të bashkohet nesër Gavazaj ndërsa të mërkurë rikthehet dhe Fidan Aliti pas grumbullimin me përfaqësuesen e Kosovës”.

——————————

Vllaznia – Skënderbeu 

31 mars, e shtunë / ora 14:00

Stadiumi ‘Loro Boriçi’

The post “Ekipi zhvendoset në Tropikal” appeared first on KF Skënderbeu.

Ekipi ka zbritur në fushë në orët e pasdites ku zhvilloi një seancë stërvitore pas 48 orësh pushim. Stafi teknik ka pasur sot në dispozicion një kontigjent të cunguar si pasojë e lojtarëve të grumbulluar me ekipet kombëtare por edhe disa lojtarëve të cilët kanë marrë leje edhe 24 orë të tjera nga klubi. Grupi pritet të plotësohet nesër ku është programuar një seancë stërvitore në orët e paradites.

GJËNDJA E EKIPIT – “Orges Shehi është e vetmja mungesë e rëndësishme për stafin teknik. Kapiteni ka pësuar ndaj Luftëtarit një lëndim të ligamentit të brëndshëm të gjurit, ligamentit medial. Gjatë ditëve në vijim kapiteni do zhvillojë një kontroll më të detajuar për të përcaktuar shkallën e dëmtimit. Pjesa tjetër e grupit është në gjëndje fizike optimale”.

Ekipi do të vijojë deri ditën e shtunë përgatitjet në Korçë dhe më pas do të zhvendoset në ‘Tropikal Resort’ në prag të ndeshjes ndaj Vllaznisë në transfertë.

The post “Ekipi rinis përgatitjet në Korçë” appeared first on KF Skënderbeu.

“Reaguam pas humbjes në Gjirokastër. Jemi përgatitur për një transfertë të vështirë në Shkodër, edhe sepse Vllaznia kërkon të dalë nga gjendja në renditje. Por, në Shkodër luhet futboll dhe me një terren të mirë si ‘Loro Boriçi’, besoj përtej vështirësive, që te kjo transfertë do të shkojmë për të marrë fitoren”, u shpreh Daja.

RIVALËT – “Na duhet që të kthehemi në ritmin dhe nivelin e paraqitur në gjysmën e parë të kampionatit dhe më pas të shohim se çfarë bëjnë rivalët. Sigurisht që përplasja e dy skuadrave që na ndjekin më afër, është një bonus, por mendjen e kemi të transferta në Shkodër për të realizuar objektivin e titullit kampion, sepse në këtë mënyrë shkohet më lehtë në Europë”.

TITULLARËT – “Kemi ndoshta jo 100 % të përcaktuar formacionin, natyrisht duke parë edhe lojën e kundërshtarit. Të gjithë kontingjentin e kemi në dispozicion dhe nëse ndonjë lojtar nuk do të mund të japë më të mirën, mund të ndërhyjmë në fillim”.

The post Daja: E vështirë por shkojmë për fitore appeared first on KF Skënderbeu.

Takimi i javës së 18-të të Kategorisë Superiore luhet ditën e dielë, ora 13:00 në stadiumin ‘Loro Boriçi”.

Klubi i futbollit ‘Skënderbeu’ ka vendosur transport falas për të gjithë tifozët që dëshirojnë ta ndjekin takimin në shkallët e stadiumit.

Tifogrupi ‘Ujqërit e Dëborës’ mbidhet në orën 06:00 të mëngjesit para stadiumit ‘Skënderbeu’ për tu nisur drejt Shkodrës.

Ftojmë tifozët të bashkohen me ‘Ujqërit’ në këtë transfertë. Bashkë më të fortë, bashkë ia dalim!

—————————————

Kategoria Superiore / Java 18

Vllaznia Shkodës – Skënderbeu

4 shkurt, Ora 13:00

Stadiumi ‘Loro Boriçi’

The post “Tifozët të organizuar drejt Shkodrës” appeared first on KF Skënderbeu.