Skënderbeu luante pa asnjë sulmues, pasi edhe Xhejms që ishte në formë të plotë fizike, nuk mori vizën. Daja zgjodhi të riun Demte, i cili në debutimin e tij ndërkombëtar bëri figurë shumë të mirë, edhe pse vetëm 18 vjeç.

Pjesa tjetër e skuadrës ishte thuajse ajo e zakonshmja, duke përjashtuar të dëmtuarit Radas e Soue. Ndërkaq, Jang Bojs mendonte për kampionatin dhe la jashtë shumë titullarë.

Pjesa e parë nuk ofroi asgjë dhe Skënderbeu e mbajti ndeshjen në ritmin e ulët që dëshironte, por në të dytën ndeshja u ndez.

Gavazaj në minutën e 51-të shënoi golin e avantazhit për korcarët, pas rrëmujës së krijuar nga Demte, por 4 minuta më pas sulmuesi veteran Hoaro barazoi me kokë.

Më pas, raste pa fund, në të dy krahët, me dy skuadra që kërkonin fitoren dhe u ndeshën pa asnjë frikë, duke mos pasur as presionin e rezultatit. Më i kujdesshëm Skënderbeu, me të drejtë, por rastet për korçarët ishin të pastra, ashtu si për Jang Bojs.

Pas 4 minutave shtesë, një goditje këndi rezultoi fatale, sepse topi mbeti në zonë dhe fati ndihmoi Asalen, i cili shënoi golin e fitores. Në fund, një humbje, por edhe krenari për Skënderbeun, që meriton urimet më të ngrohta.

Young Boys 2-1 Skenderbeu

Shënues: Hoaro 54’, Asale 90’+5 / Gavazaj 51′

Jang Bojs: Volfli; Mbabu, Vythrih, Byrki, Jos; Shik, Aebisher (Bertone 71′), Ngamaleu; Teisheira; Nsame,Hoaro (Asale 82′).

Skënderbeu: Shehi; Vangjeli, Jashanica, Aliti, Mici; Muzaka (Taku 75′), Lilaj, Nimaga; Gavazaj, Sahiti (Osmani 68′), Demte.

Kartonë të verdhë: Ngamaleu 4′, Jos 16′, Hoaro  73’/ Aliti 32′, Demte 66′, Nimaga 90+4′

The post Ujqërit të pafat në fundin e aventurës europiane appeared first on KF Skënderbeu.

20 lojtarë janë në dispozicion të trajnerit dhe stafit teknik për ndeshjen e nesërme ndaj Young Boys.

Lista e lojtarëve të grumbulluar.
(James ende nuk është bashkuar me ekipin për shkak të vizës)

Portjerë: Shehi, Teqja

Mbrojtës: Vangjeli, Osmani, Jashanica, Radas, Mici, Lulaj, Aliti.

Mesfushorë: Lilaj, Taku, Muzaka, Gripshi, Shkodra, Sahiti, Gavazaj, Pëllumbi, Demte, Nimaga.

Sulmues: James Adeniyi

The post Lojtarët e grumbulluar për YB appeared first on KF Skënderbeu.

Në ndryshim nga transfertat e tjera, stafi teknik ka preferuar të zhvillojë stërvitjen zyrtare në Shqipëri dhe më pas të udhëtojë drejt Bernit.

GJËNDJA E EKIPIT – “Trajneri Daja duhet të bëjë në këtë takim pa disa nga titullarët. Ali Sowe ka humbur edhe këtë ndeshje si pasojë e tërheqjes muskolare. Sulmuesi ka udhëtuar drejt Serbisë ku do i nënshtrohet trajtimit të Doktoreshë Marjana. Gjithashtu mungojnë Nespor dhe Dita i cili vuan frakturën e pësuar në dorë ndaj Partizanit. Në dyshim mbetet Marko Radas i cili ka ndjerë shqetësime fizike dhe rrezikon të mos jetë as në stol.

JAMES ADENIYI – Sulmuesi i vetëm në listën e lojtarëve që janë të gatshëm për Young Boys nuk është pajisur në kohë me Vizë nga shteti Zvicerian. Drejtuesit e klubit kanë bërë çmos për zgjidhjen e situatës por deri më tani jemi hasur me refuzimin e ambasadës pasi jo të gjitha shtetet ‘Shengen’ kanë dhënë aprovimin për dhënien e vizës.

Takimi ndaj Young Boys zhvillohet ditën e enjte, ora 19:00 në ‘Stade de Suisse’.

The post Ekipi mbyll përgatitjet për Young Boys appeared first on KF Skënderbeu.

Trajneri Ilir Daja e ndau grupin në dy pjesë gjatë seancës stërvitore të zhvilluar sot paradite tek anekset e stadiumit ‘Skënderbeu’. Lojtarët të cilët u aktivizuan titullarë ndaj Kukësit zhvilluan një seancë ‘shtrydhëse’ ndërsa pjesa tjetër e grupit zhvilloi një seancë të plotë.

Ekipi ka mbyllur përgatitjet në Korçë dhe nga sot pasdite do të grumbullohet në ‘Tropikal Resort’ në Durrës, atje ku do të vijojnë përgatitjet intesive për ndeshjen e radhës ndaj Young Boys, e vlefshme për Europa League.

Pavarësisht se fatet e skuadrave që shkojnë me tej janë përcaktuar në grupin B, lojtarët ndihen mjaft të motivuar në prag të takimit te fundit dhe në Bern do të synohet një tjetër rezultat pozitiv për ta mbyllur pozitivisht ‘fushatën’ europiane të Skënderbeut këtë sezon.

The post Përgatitjet për YB vijojnë në Tropikal appeared first on KF Skënderbeu.